8 مراجعات لـ اساسيات الجودة ونماذج التميز – جود 210

1. 

   تم التقييم 1 من 5

   Nobody – يناير 6, 2020

   المادة بالنسبة لي كانت ماتنحفظ و ولا تنفهم، فعلياً محد
   يدري الماده وش تبي و للأسف معلمتي ما كانت تشرحها..
   نصيحتي هي انك تدرس الماده اول بأول و ابداً لا تطوف و تتهاون وياها لان يبي ليها دراسة من بداية السنة و اي شي ماتفهمه علطول استفسر عنه و افهمه من البداية ولا تخلي الاشياء تتراكم عليك بالذت هالماده، و اذا كان معلمينكم مايشرحونها بالشكل الكافي او مايشرحونها كلش! حاولوا انكم تتخذون اجراءات مثلاً تكلمون الادارة عن الموضوع و تلاحقون على الشي ، ما ادري اذا يدرسون هالماده في المعاهد لكن اذا كانوا يدرسونها فأنصحك انك تروح عشان تستوعبها اكثر لو ماكنت قادر تفهمها نفس الي صار لي و لحالتي و وصلت درجه اني ما اهتم اهم شي انجح فيها و خلاص لاني ماكنت طايقه اقابل الماده و هذا يوصلنا للنصيحه الأخيرة، حاول تحبب نفسك في الماده عشان تطيق تدرسها، لكن اذا شفت الكلام بعد ما فات الفوت ف انصحك انك تشوف الشروحات الي في اليوتيوب و تلحق على عمرك بجم كلمه او كلمتين

2. 

   تم التقييم 4 من 5

   M96AFA – يناير 6, 2020

   المادة سهلة ، بس تحتاج إلى دراسة من قبل مو حزة الحزة وتفهم الرسمات والمخططات والمنحنيات ودلين

3. 

   تم التقييم 5 من 5

   Mari – يناير 7, 2020

   من اكثر المواد الي عقدوني فيها من كثر مايقولون انها صعبه ، اول فهمو عشان تحفظون بتصيرر واااايد سهله وممتعه ، اهمشي تجوفون الامتحانات السابقه الي فالموقع وتعرفون طريقة الاسئله وكلشي تمام

4. 

   تم التقييم 5 من 5

   Mari – يناير 7, 2020

   فالنهايه مافي شي صعب ، والناس كلشي قالو عنه صعب ومايقدرون عليه ، اذا انت مو فاهم شي ادرس الماده قبل يومين ثلاث مو تيي ليلة الامتحان تبطله وتروح تخوف الناس وتعقدهم بسبة إهمالك !

5. 

   تم التقييم 5 من 5

   علي محمد – يناير 7, 2020

   مقرر يشبه الاجا كله حفظ ان شي تركزون على الرسمات و كل شي سهل بس أهم شي تحفظه عدل لان ما يمديك تحفظ كلشي في يومين تحتاج 3 او 4 ايام مراجعة عشان تجيب 100

6. 

   تم التقييم 2 من 5

   حسن مجيد صالح – يناير 6, 2023

   جود211

7. 

   تم التقييم 5 من 5

   Ali – يناير 10, 2024

   جود 210
   اكثر مادة كنت خايف منها بسبب كلام الناس ، انصحكم لحد يسمع كلام احد الا لما يدرس المقرر
   المادة حرفياً سهله و كل الي المطلوب عليك تركز و تدرسها اول باول ،، لا تدرسها حزه الامتحان لان مستحيل تلم المنهج كامل و بالتوفيق ✨

8. 

   تم التقييم 5 من 5

   Mahmood – يناير 10, 2024

   المادة حليوه بنسبة حق اللي يحبون الحفظ مشابهة لـ الاجتماعيات بس على تجاري نصيحه احفظ حزة الحزة يعني عقب مايعطونك الدرس ف المدرسه ارجع البيت وراجع ليه جنك تراجع حق امتحان واذا جا وقت الامتحان الشهري او النهائي بتشوف الموضوع سهل لانك بس بتقعد ترجع على اللي درسته